電視台最近都興炒港產片冷飯，而且戲碼唔錯；好似巴塞、曼聯上周六分途出擊之際，免費台就重播《無間道》，搞到小弟要遙控不斷轉台；到中秋追月日，免費台朝早又重播《孤男寡女》，雖然係11年前作品，不過笑料仍然新鮮，華仔同Sammi火花固然冇得彈，亦都喜見Roger浮沉咁多年後，終於喺電視圈捱番出頭。孤男寡女其實都可算係港產片植入廣告嘅先驅，男女主角搵免炒證據前，無厘頭去買番桶炸雞食，真係都幾突兀。
講開廣告，法甲球隊波衫廣告，就真係好似單車衫咁密麻麻；聽日法甲有場褪色大戰，由里昂主場對馬賽，信里昂可以踩多兩腳，博主W啦。
牽牛
星期日52
里昂vs馬賽
心水：里昂勝
心得：馬賽聯賽未贏過