我好喜歡嘅松琼菜菜子，呢十年好少拍日劇，對上嗰套係前年嘅《救命病棟24小時》第4輯，嚟緊下個月佢有齣叫《家政婦三田》嘅新劇出街，聽講啲劇情都幾另類，所以真係好期待。講開菜菜子主演過嘅日劇，多數人都認為《大和撫子》係佢嘅代表作，但其實《冰之世界》都幾好睇，這可能係我鍾意睇懸疑片有關，不過菜菜子同男主角竹野內豐喺外形上就唔係好襯，點講都係同堤真一襯到絕。
上個禮拜捧阿仙奴[-1]，點知對史雲斯都係贏得1球，搞到我瀨晒嘢。今晚佢哋會作客布力般，布力般喺杜格利殊同舒利亞時代係我愛隊，但家陣已冇感覺。阿仙奴簽咗5件新兵之後，班底實淨好多，信佢哋可以開W。
青蛙仔
星期六15
布力般流浪vs阿仙奴
心水：阿仙奴勝
心得：唔貪心，淨係捧阿仙奴贏就夠