香港又做全球第一，Hotels.com嘅酒店價格指數（HPI）發現，本年上半年香港酒店房租升幅，與去年同期比較勁升四成，由平均600蚊一晚，加到1,050港元一晚，房租升幅全球最大，與亞洲區主要城市酒店價格同期平均下跌6%比較，升幅更加驚人。
HPI係一項比較世界各主要旅遊地點酒店價格嘅定期調查，今年係第8年進行調查，涵蓋近20,000個地點約125,000間酒店，包括連鎖式同埋獨立經營嘅酒店，連自助式旅舍、民宿都有納入調查。
網站指香港酒店咁貴租，主要係因為商務、休閒旅客多，特別係大陸旅客湧入香港，帶動需求，令房租半年間上漲四成至平均1,050港元一晚。