友人M與好友上周喺groupon訂船飛，諗住今個周末開開心心去梳打埠暢玩一天兼去睇《水舞間》，點都估唔到條平價巨龍咁啱幾天前摺埋，要嗱嗱臨即刻走去上環買過啲飛，不知幾狼狽。呢類新派嘅消費模式，我自己仲未太接受到，最擔心仲係網上安全問題，信用卡過咗數，誰能保證甚麼？
睇波，我也鍾意懷舊，尤其係阿仙奴新不如舊，更對當年一班助球會奪多屆聯賽冠軍嘅球星回味不已；可惜時光飛逝，他們多已退下來，欣聞34歲嘅瑞典球星龍格保有心有力，去到東瀛加盟清水心跳，真係好希望有機會喺直播再見佢嘅風采，今日冇得播，但照撐佢哋贏今非昔比嘅浦和紅鑽。
蘋果波神
星期六1
清水心跳vs浦和紅鑽
心水：清水心跳（平）
心得：日聯超早場，主隊有着數