陳倩揚噚日喺新城電台做節目嘉賓，佢話產後經過休息，下月會返無綫開工，之後又會拍纖體廣告，仲會以三點式上陣：「選港姐已經着過，我覺得冇問題，反而做咗媽咪可能有另一種美態。我最想回復未生前嘅103磅，家仲差7磅。」倩揚近期頻頻出席親子活動，咁咪賺唔少？佢話：「我只想搵多啲錢，將來可以畀個仔參加多啲課外活動。」