【本報訊】被失眠困擾長達一年的Ruth，20多歲，正修讀大學碩士課程。「我11點幾就瞓覺，正常7、8點先起身，但有時2點紮醒咗就喺床上眼光光，諗吓平日發生嘅事情、人哋講過嘅嘢，有時5點先瞓得番，有時就瞓唔番至第二朝」。
入睡前自我催眠
她指，上述情況持續惡化，由過往每周兩至三日，至近期每周有三至四日，令日間上堂精神欠佳及專注力差。她估計，失眠來自學習壓力，尤其考試前夕，「會夢到自己考試或Presentation」。
Ruth曾嘗試多種方法，如飲牛奶或聽柔和音樂等，反而越聽越精神，腦海出現更多日常生活畫面，無法入睡。她早前參加復康會的治療小組，學懂入睡前作自我催眠及放鬆技巧後，情況獲改善。她說：「學識咗要放鬆自己、放低某啲嘢後，令心情放鬆，家多咗（日子）可以一覺瞓到大天光」。