【本報訊】善心人的祝福，為抗癌勇士小琳帶來莫大鼓舞。本報前日報道患有肺癌的27歲小琳七年來堅強抗癌的故事，短短兩天，蘋果日報慈善基金便收到讀者捐款21萬元。小琳昨日感動地說：「真係冇諗過會咁多人幫我，因為我覺得相比好多人，自己都唔係咁慘。」她感激善長無私的捐助，讓她不用為未來一年的藥費憂心，並可減輕家人的負擔和壓力。
「幫人唔可以遲」
蘋果日報慈善基金撥款為小琳支付本月藥費，她前天到醫院覆診及取藥，並告訴醫生咳血，「醫生解釋話我個肺有好多個腫瘤，有啲血滲咗落去支氣管，所以啲痰會有血，醫生話呢個月個瘤好似又大咗少少，食藥三個月後會幫我照磁力共震做評估」。為保持體能與癌魔搏鬥，小琳昨天如常相約友人到海灘游水，還玩她最愛的風帆。「我一向都鍾意做運動，每星期都做，雖然玩風帆時會氣促，但係我一直keep住，體力都應付到。」
至今最大的一筆善款，為讀者王先生捐助的5.4萬元，相等於小琳三個月藥費。原來王先生的女兒與小琳年齡相若，「我個女一早買咗佢本書，我幾年前喺電視睇過佢分享，前日我喺《蘋果》睇到小琳抗癌咁多年，仲好活潑積極，我能力可以做到，咪捐款幫佢囉，幫人唔可以遲，所以即刻捐錢」。