李克勤和林子祥（阿Lam）前晚演出「拉闊音樂會」，克勤搞爛gag但全場零反應。克勤在老婆盧淑儀指導下穿上潮爆「瀨屎褲」，他笑言扮陳偉霆（William）撼自嘲女人腳的阿Lam搶鏡。
商台「拉闊音樂會」前晚在灣仔會展舉行，林子祥和李克勤拍檔演出，全場爆滿，克勤老婆盧淑儀及父母皆有現身捧場，反而阿Lam老婆葉蒨文則未有出席，容祖兒也前來捧場。
搞爛Gag零反應
甫開騷，阿Lam和克勤先合唱一曲《沙漠小子》，之後克勤單拖一口氣唱出多首歌曲，當中包括葉蒨文的《零時十分》和《黎明不要來》，唱畢克勤搞爛gag說：「我同阿Lam應該有組合名，台灣有隊叫『優客李林』，我哋應該叫『勾搭李林』。」但全場幾乎零反應，但他依然繼續說：「仲有我哋一定要有贊助商，就係李派林喼汁。」
當克勤唱新歌《孔明燈》時，幕後播出一眾好友如譚詠麟（阿倫）和囝囝Ryan留言的許願片段，其中阿倫的願望是「希望香港將來能夠搵到一個能幹、雅俗共賞的特首，為香港人服務。」之後克勤介紹阿Lam出場，阿Lam笑說：「乜你唱咁耐，覺都瞓咗兩轉，瞓到眼都紅埋。」兩人合唱一曲《DevotedToYou》，唱完克勤不忘踩老友阿倫：「我建議過同阿倫合唱呢首歌，佢唔肯，可能佢唔識英文。」
拍檔美國銀
「安哥」時克勤少有地穿上一條銀黑色俗稱「瀨屎褲」上台，即時潮氣不少，他搞笑說：「似唔似William（陳偉霆）呀？係我屋企嘅stylist叫我咁着，佢話如果我唔着一世都冇機會着，阿Lam一向唔敢着短褲，我做你唔敢做嘅事。」阿Lam指自己雙腳是「女人腳」，故此不想自曝其短露腳。完騷後克勤和阿Lam透露美國已有娛樂商斟洽兩人以組合形式登台演出。
採訪：馬建華 攝影：葉君海