係人都知「MK仔」今時唔同往日，始終泊到個大碼頭，出面嘅人唔睇僧面都睇佛面，原本每件事總有前因莫羨人，何況感情世界，好難分對錯。不過MK仔處理感情嘅手法又的確令人詬病，佢同「公主」好之前，一直有位識於微時嘅女人默默支持佢，但中公主後，佢就反面不認人，逼背後女人離開自己，個女人見到MK仔反骨無情，終於忍痛斬情絲，點知冇耐就有傳媒知道MK仔捨舊愛黐公主嘅事，自然落力報道，MK仔就咬定係背後女人放料畀傳媒，仲大鬧舊愛屋企，講真，人哋都唔係圈中人，鬼識放料咩，怪就怪佢自己處事過火，有人睇唔過眼唱衰佢啫。
撰文：關仁