王力宏前日喺台灣戶外搞新歌《火力全開》嘅MV首映會，有關方面仲準備咗架MV特映車，以流動形式不停喺馬路上行駛，共花費500萬台幣。王力宏喺現場主持特映車開動儀式，佢啟動雷射光束，將歌名投射向特映車車門。《火》曲MV長5分鐘，內容有武術同爆破鏡頭等，片中王力宏親身吊威吔同武師對打，仲參與爆破鏡頭。