梁思浩前晚接受now觀星台訪問，噚日佢就喺微博貼晒啲相出嚟幫手宣傳，佢仲留言話會勇敢向六嬸方逸華講對唔住，等佢可以放下心頭大石云云。究竟思浩講過啲乜咁勇敢？原來03年思浩俾無綫叮走，後來佢去有線拍嘢時話要送個「鐘」畀六叔邵逸夫，咁又唔係幾啱，結果佢喺前晚訪問中向六叔六嬸認錯，搵機會公開道歉，唔通想撈返無綫？