以一曲《唸你》爆紅嘅劉子千，最近應邀做「校園反霸凌」（校園反暴力）大使，將《唸你》歌詞「我的字典裏沒有放棄」變成「我的字典裏沒有霸凌（暴力）」，點知最近佢獲台灣某大學邀請出席迎新演出，主辦學生會就發簡訊畀承辦公關公司話「有人」支付10萬台幣（約26,000港幣）嚟阻止劉子千演出，懷疑有惡勢力介入恐嚇而取消他出席迎新演唱。愛子深切嘅劉家昌，唔向惡勢力低頭，噚日即刻搵咗子千唱片宣傳人員Sunny去向警局備案。
劉家昌撐仔勇敢
而噚日劉家昌喺發出嘅聲明中，就話站喺保護藝人立場，公司係唔願意藝人得罪暴力嘅學生，因為係一件非常唔安全嘅工作，但係子千好勇敢咁答應咗，仲跑遍全國反暴力。聲明又話呢個係傷害藝人嘅舉動，請警察調查係咪有人受賄賂。學生會噚日解釋，幹部後來決定唔用劉子千先傳嗰個簡訊，目的係為免得罪子千所以搵個下台階，冇諗過會有咁大風波。對於學校講法，Sunny話：「學校要換歌手，一個電話就可以，這樣對一個藝人傷害很重。」