模何佩瑜（Jeana）前晚谷不倒胸宣傳新戲《喜愛夜蒲》，近日被指帶嫩模返家的「萬寧哥哥」沈志明，仍不避嫌由頭到腳狂Jeana。Jeana又自爆怕戲中激情戲激嬲男友，日前花8千元買喱士內衣男友。
錢國偉執導的電影《喜愛夜蒲》前晚在旺角朗豪坊戲院舉行優先場謝票儀式，演員何佩瑜（Jeana）、楊愛瑾、沈志明及王宗堯等出席，谷出34C不倒胸的Jeana最搶鏡，連沈志明與她傾偈時也忍不住狂，其實沈志明早前才被16歲嫩模Cammi踢爆遭他毛手毛腳，這位媾女王認真大膽。
喱士內衣冧仔
穿上黑色低胸裙的Jeana得悉優先場反應不俗，她即說：「我啱啱喺悉尼做完嘢返嚟，聽到好開心，話晒今次係我嘅處女電影，第二係聽到葉德嫻做影后為港爭光，作為港人都感到自豪，第三開心係中秋趕得切返嚟。」
Jeana與陳靜（DaDa）戲中有激情戲，為免令男友生氣，她更自爆說：「所以我喺悉尼花咗8千蚊買咗件喱士內衣，一嬲就着畀佢睇。」她又說聽到樂隊Mr.成員Tom與「陽光妹」何思諺未婚懷孕感到驚訝，希望二人一索得男，問她會否未婚懷孕？她說：「我唔會，會做足安全措施。」會否在電影上映時，再賣性感？她說：「希望到時有驚喜，件內衣男友用唔到，着畀大家睇。」
錢國偉超緊張
《喜》片明天才上映，但日前的三天優先場票房已收50萬，導演錢國偉表示未算打下強心針，他說：「我都仲係驚緊，始終自己第一、二部戲，等佢出晒世先，家好似出咗個頭咁。」
會否安排在內地上映？錢國偉說：「家搞緊，可能有場面要刪剪，Jeana與DaDa嗰啲係『武打』星嚟㗎（指激情戲）。」Jeana聽見即向導演撒嬌說：「你做乜刪剪我啲戲，我好hurt呀。」錢國偉說：「你叫你啲人組團嚟香港啦。」此外，沈志明否認日前缺席《喜》片宣傳是避談媾嫩模一事，當日他在台灣工作。
採訪：黃曉妍
攝影：陳志嵐
