HappyHour不一定飲酒；Bar不一定賣酒。28歲的Amanda仿效紐約著名甜品小店ChikaLicious，在中環威靈頓街開設RiquiquiDessertBar，去年6月推出甜品晚餐，每位200元，菜單僅得三道菜，全是甜點。不但選擇有限，而且只在晚上有得食，因為這間Bar營業時間只在晚上。BigSpender除了要食得豪，更要食得型！
每日自製新鮮忌廉
Amanda說：「甜品晚餐靈感來自紐約ChikaLicious，係我試過第一間DessertBar，我鍾意嗰種坐喺度就能有好多甜點款式畀我選擇嘅感覺。」Amanda於加拿大出生，自小對食很有興趣，尤其甜品，來港後開設這家DessertBar，但只開晚市，「喺香港好多酒店都有HighTea，佢哋都會做好多精緻、特色甜品，價錢又唔係好貴，競爭比較大。」故餐廳晚上7時才營業，至凌晨1時。客人多是海外歸來的華僑，外國人相對較少，「香港人鍾意新嘢，反而外國人對新事物興趣唔大。」
Riquiqui與一般甜品不同的地方是，這裏用的忌廉是由Amanda每天新鮮打製，「有唔少餅舖用忌廉驚易溶，要即刻放入雪櫃，我整嘅鮮忌廉幾個鐘都唔會溶」。Amanda崇尚天然和親自製作，除了忌廉，無論前菜的雪糕或雪葩，抑或小點椰子棉花糖都是用自家獨門方法製成，她每天早上11時便返舖準備。另一賣點是材料要求新鮮，除了部份材料透過供應商購入，Amanda每日會親自到街市買新鮮水果做甜品。
此外，還有推陳出新的口味，「我成日都創作唔同口味嘅雪糕或雪葩，好似有唔同生果味、唔同茶味又或者爆谷味都做過。」當天Amanda菜單中，頭盤有士多啤梨雪糕和熱情果慕絲。其中，熱情果慕絲由蛋白、鮮奶油製成，外表其貌不揚，食落有濃郁果香，雪糕軟滑。
紅莓拿破崙餅，用上軟滑Mascarpone芝士和少許忌廉，口感輕盈，加上帶少許鹹味的焦糖，平衡紅莓的酸味。配以有逾百年歷史法式茶館MariageFrères茶葉冲調的MarcoPolo茶，具有濃郁花果香味。
記者：陳皓怡 攝影：程志遠
Amanda簡歷
2005年 紐約ParkAvenueRestaurant實習
2006年 CulinaryInstituteofAmerica畢業
2007年 在洛杉磯著名大廚DavidMyers的餅店製作甜點
2009年 任職加拿大FraicheRestaurant糕餅部主廚
2010年 香港開Riquiqui
紅桑子拿破崙餅製作過程
紐約小店勝在餐單夠簡
ChikaLicious位於紐約市，日籍老闆娘是一名意大利麪食廚師，店名以她的名字Chika來起頭。
該店的特色在於餐單很簡單，只有6種甜品，而且是套餐，包括3款甜品及1杯飲料。出名的甜品之一FromageBlancIslandCheeseCake，與一般芝士餅不同，入口即溶，而且並不太甜，像雪糕多於芝士餅。
店舖狹小，開放式廚房，像日本料理的壽司吧枱，由於小店頗負盛名，故食客絡繹不絕兼要排長龍。
ChikaLicious有不同的主廚及調酒師，Riquiqui則僅Amanda一人工作，由創作、製作、服務、清潔都一手包辦，她着重與客人溝通，「我呢度開放式廚房，可以同客人直接溝通，有時客人都鍾意同我傾偈，傾佢哋嘅感情煩惱。」
