負面新聞多多嘅曼城前鋒泰維斯（圖）又有新聞，今次係佢自立服裝品牌「Tevez32」，即將喺家鄉阿根廷、巴西同英國等地出T恤，奇就奇在喺件衫上面印有曼徹斯特嘅英文名，心水清嘅讀者都記得佢講過自己好憎曼市成日落雨，又嫌嗰度死氣沉沉，悶到爆；之前主動要求轉會被拒後，反骨仔形象已經入晒屋，等同自斷財路，想曼城球迷幫襯佢，睇怕都幾難。