3個月前，朴智星帶埋英超冠軍獎盃來港，引起一陣哄動，佢嘅隊友查維亞靴南迪斯（右）日前就帶埋獎盃，到曼市一療養院探望一班患癌嘅兒童同青少年，簽名、握手同合照絕冇手軟，而一班教練就教授簡單嘅足球技術。「小豆」話見到佢哋，覺得自己好好彩，如果冇健康嘅身體，又點可以全情投入去踢波。個獎盃嚟緊仲會到市內嘅學校、慈善機構巡迴展出，希望多啲人分享到捧盃嘅喜悅。