任達華昨日到尖沙嘴出席「新加坡夢幻島水上別墅」記者會，並透露以近2,000萬港元買了三棟別墅，作為送給老婆琦琦的中秋節禮物。剛於韓國拍戲返港的華哥表示中秋節會與家人吃飯慶祝，他說：「呢兩日難得放假當然陪屋企人，11月要再返去拍。」
唔想許鞍華退休
對於葉德嫻（Deanie）憑電影《桃姐》膺威尼斯影后，華哥感到十分高興：「我未同Deanie合作過，希望第時有機會，今次佢實至名歸。」執導《桃姐》的許鞍華（Ann）曾表示考慮退休，華哥說：「佢真係千祈唔好退休呀，上次我等咗30年先有機會同佢合作《天水圍的夜與霧》，之前同阿Ann講過不如拍動作片，我仲連個名都諗好，叫《一粒子彈》，我等緊佢㗎。」
採訪、攝影：李珮洳