中秋佳節前，投行老友同華華講，有大陸投行嘅保薦人代表，近期驚現逃亡潮，唔理男界女界，紛紛逃離保薦界。明明收一次Bonus（花紅）已經好過𠵱家啲歌星仔開一場演唱會，點解仲要走？
以大陸大行之一平安證券為例，近期就有超過20個保薦人代表炒老闆魷魚。傳聞話，平安證券喺舊年承諾一筆獎金，最後變咗張空頭支票，一班尖子條氣唔順咪走人囉。唔止平安，中銀國際亦都減薪二至三成，華華證實唔到有幾堅。
不過，華華老友講咗唔夠兩日，就收到中銀國際首席執行官王岩（圖）電郵，話要離開服務咗7年嘅中銀國際。連王岩都走，唔通真係咁差？線人同華華講，王岩去中銀保險做董事長，呢份係筍工，大家唔使擔心。