內地演員黃奕最近喺北京出席時尚活動，半露香肩嘅佢明艷照人，佢演出嘅新戲《競雄女俠．秋瑾》好快上映，佢話演呢類歷史人物係一種膽識。為咗呢個角色，佢苦練功夫、舞刀、弄槍同騎馬。之後黃奕再飛去上海出席時裝雜誌活動，佢身穿Dior晚裝、着住約四吋高跟鞋，吸引大批群眾，要幾十名保安築人牆保護。