噚日中秋佳節，大劉劉鑾雄噚日下午依舊喺灣仔名人飯堂福臨門午膳，不過今次就唔見佢兩位紅顏知己甘比同呂麗君，反而大劉細佬劉鑾鴻就有到場，兩兄弟撐枱腳。至於大劉舊愛李嘉欣夜晚就同老公許晉亨、老爺許世勳同奶奶一齊去福臨門做節，不過就唔見心肝椗Jayden，問到點解唔帶囝囝嚟，嘉欣只報以微笑，冇回答就入咗酒家。