新城DJ范振鋒同藝員女友李思欣，出年1月15號結婚。噚日佢哋喺九龍塘影婚紗相，范振鋒話定咗金鐘五星級酒店擺50圍酒，佢話：「今日影相好開心，有贊助仲有酬勞收。」佢兩個拍咗拖唔夠一年就結婚，莫非奉子？李思欣好大反應否認：「梗係唔係啦，你睇我條裙咁窄就知，我嚟緊仲要拍劇，結完婚都未有咁快生。」