特首跑馬仔賽事咁鬼熱鬧，就算唔係「馬迷」都會好關注。本來身為頂頭大熱的范太讓賽畀唐唐，入閘機會微乎其微，但佢都不忘以馬評人心態評論吓特首賽中嘅馬迷心態。
梁振英自我策勵
范太覺得馬迷其實好多類，第一類當然係唔刨過馬經唔安樂，連抖暑都周身唔自然嘅狂熱分子，呢類諸事之徒似唔似經常四圍八嘅金勞詹？第二類係最睇臨場狀態同睇貼士做人嘅馬迷，呢類人士政圈最多，睇定先落注嘅人不勝其數。最後一類根本唔係馬迷，入馬場可能都係當社交活動social一番，八方睇嚟呢類人似泛民人士多啲，志在參與冇蝕底。
范太唔入閘啫，梁振英就繼續造勢，自稱會睇晒所有讀者email嘅CY最近喺個人網站多咗個「策勵集」，上載有關佢嘅利好報道，就算冇范太支持都自我鼓勵一番。