吳孟達跟葉德嫻昔日被視為銀幕情侶，二人在《逃學威龍2》的爆笑演出令人印象尤為深刻。對於Deanie今次為港爭光，達哥昨日在電話中連番恭喜說：「佢近呢十年冇拍電影，難得今次有機會拍《桃姐》，當然評審眼光最正確，合作咁多年，Deanie梗係好嘢啦。」對於二人昔日合作的電影，達哥笑言每部也深刻：「佢做過我女朋友、老婆、情婦，《廟街十二少》都幾好睇。」
談到Deanie十分抗拒拍檔吸煙，達哥說：「我識佢時佢都食，食得幾厲害，後尾戒咗。佢好容忍我、畀面我，可能我一把年紀，所以冇話我，但班後生仔佢就會出聲叫佢哋食煙行出去。」
至於樂壇上跟Deanie合作不少的許志安，今年在紅館開騷時也有請她做嘉賓，兩人合唱一曲《教我如何不愛他》。談到合作點滴，安仔昨日說：「Deanie姐早年已經戒咗煙，佢家成日都會勸大家唔好再食。好似之前喺band房綵排，好多樂手都食煙，但當Deanie姐嚟綵排時，大家自然就唔食，係出於一份對Deanie姐嘅尊重。」
採訪：林妃