每年中秋節，除了同家人做節和食月餅之外，最Enjoy活動當然是跟三五知己，到空曠地方賞月光。當人大咗，考到個車牌之後當然想玩得高階一點，揸部車去郊外點燈籠夠浪漫，但大前提不但係要識路，手車仲要揸得好，兩樣都無的話，當然要搵師傅幫你上個實駕雞精班！
記者：蕭漢祥
攝影：林栢鈞
Model：Betrys、Lincoln@GME
未出發先訓練
參加者首先要經過障礙物測試，包括有龍門架、閃避路面凸出物及模擬停車場紀錄機，目的是了解參加者的駕駛能力及對於車身的距離感，皆因以上各項不但是日常駕駛者都會面對的項目，更是新牌仔最易發生意外的地方，例如部車太貼或太遠停車場紀錄機，不是撞花部車就係要落車取票，駕車經驗淺隨時唔覺意無入空波拉手掣就仲危險。
度身訂做課程
自古以來，「新牌仔」這名詞的出現並不是歧視，而係認為他們的駕駛技術較為生疏，即使攞咗牌都唔等於可以完全安全駕駛，唔識路及未適應實際路面環境均是新牌仔死穴。
為了讓這班少駕車人士可以確切地提高駕駛水準，香港駕駛學院（簡稱HKSM）早年便推出「金牌路路通」計劃，從技術、興趣、景點及挑戰四個範疇設計課程，每節課程可以挑選你喜愛或希望針對改善的問題而進行，簡直是寓學習於娛樂。
平治、七人車任揀
講真，不少新牌仔都希望中秋節可以揸部靚車，跟朋友到郊外賞月。不過，第一大障礙就係新牌仔能否駕馭郊外上山落山、難度較高的路段，如果隨便出街搵個師傅補鐘，大家都估到都係你有你揸、師傅有師傅坐車。金牌路路通的特別之處，就係師傅可以就你希望到達的地方進行路線設計，沿途提供專業的駕駛貼士，假如一日之內book幾節課，帶埋家人朋友上車當自駕遊都仲得。
再者HKSM除了基本的豐田Corolla之外，亦有用平治作為學神座駕，而路路通課程就提供Aclass、CclassKompressor以及豐田的七人車系列，畀千幾蚊就可以揸Benz，夫復何求！不過出街練車之前，當然要在訓練場練習，讓師傅了解你的駕駛水準。
路面實戰加插挑戰
HKSM的導師不但是專業教車師傅，在路路通課程中仲會化身成導遊，當你朝着目的地進發，師傅會一邊教你每個地段的特點，同時介紹沿途景點。今次就以中秋賞月點燈為題，HKSM首席發展主任鍾錦雄就介紹西貢北潭涌一帶為其中一個推介賞月之地，原因無他，地方大車位多，除從清水灣道前往，亦可從馬鞍山經西沙公路進發，相信車流量可能會較前者低。導師鍾Sir表示途中會加插好多挑戰項目畀學生，例如突然間要學生轉用加減波操控、一手軚掉頭、以波箱控制車速落斜等。
拍攝當日牌齡只有兩年的模特兒Lincoln，就體驗到在狹窄的大網仔路上，突然殺出一名清潔工人，好彩有鍾Sir教路如何閃避，化險為夷！鍾sir表示：「曾經有位女學生一次過報讀七十幾節課程，駕駛馬力較大的平治房車，一來可以保持駕駛大馬力車的技術；二來又唔使長期養車慳唔少。」
香港駕駛學院—金牌路路通
堂費：$1,300起/1節２小時
（HKSM學生減$600）
查詢： http://www.hksm.com.hk