政務司司長唐英年至今未對辭職參選特首作任何回應，但唐營支持者已為他四出放風，大打心理戰。據知唐營最新說法是，中央除了敲定了唐英年是下任特首外，更表明只許一對一的特首選舉，若泛民可以取得特首選舉「入場券」，中央會出手阻止其他建制派候選人落場。
泛民夠票可踢走梁
有政界中人透露，唐英年支持者近日再放風，揚言中央認為特首選舉可以有競爭，但只容許「一對一」，唐營中人又稱，假若泛民可以取得150個提名參選特首，北京就會出手阻止其他建制「有心人」出選，「若果太多建制候選人，即係有兩、三個人競爭，一定會分散建制選委票，對維持愛國陣營團結支持新特首十分不利，呢個情況，中央唔想見」。
不過有泛民中人對這些消息真確性有保留，認為「完全出於保障唐英年利益出發」，「佢哋就梗係想只有泛民候選人同唐英年爭，因為一定冇變數，班選委一定投晒唐英年，等佢高票當選」。假如有其他建制派候選人與唐競爭，「佢得票一定唔高，甚至低過曾蔭權當年對梁家傑，就算贏出都好難睇」。
無非令梁無法入閘
該泛民中人相信，唐營放風無非是阻選委提名梁振英，「等班選委知中央唔會撐梁振英，唔好提名佢選特首，等佢冇得入閘，可以減低選舉壓力，到時就算民望幾低都好，唔怕北京中途換馬」。《蘋果》記者