我愛意大利針織品牌Missoni，除咗因為佢色彩絢麗，圖案立體，更因為連首富李嘉誠個新抱王儷橋都鍾意着呢個牌子。首富個新抱都鍾意喎，唔講得笑！
Missoni同美國Target公司合作，推出MissoniforTarget家品系列，將Missoni最具代表性嘅鋸齒形、漩渦形同條紋圖案，印喺單車、旅行篋、咖啡杯、遮、枕頭及咕等地方，總之唔只着喺身咁簡單。Target來頭唔細，同Wal-Mart係兩大連鎖零售商，Missoni雖然唔算頂級貴，但Target始終係折扣店，同佢合作Missoni點計都係紆尊降貴。據聞Missoni單車三千零蚊港銀，一套5件Espressoset賣三百零蚊港銀，catalogue（13日）聽日面世，可以網上訂購。