遠展（035）資產嘅隱藏價值逐步釋放，NAV折讓又極之吸引，有得諗。遠展旗下麗悅酒店（2266）呢期公佈，轉售中環麗柏酒店畀獨立第三方，售價5.15億銀，估計獲利3.7億銀，而遠展亦獲利2.7億銀。呢期麗悅亦話，唔排除繼續進行資產重組，將規模較細嘅酒店出售。要咁睇，阿仔資產項目，隱藏價值釋放，阿媽麗展一樣肥仔水。再講，麗展本身亦都計劃未來18個月，推售香港三個項目，估計銷售額25億銀。麗展現價（1.56元）跌到落年半低位，市值29億銀咁大把，淨計呢三個項目，潛在變現亦唔嘢少。又麗展NAV6蚊，現價折讓高達74%，直情流晒口水。買遠展，博折讓輕輕收窄到60%，都講緊現價要翻半番，上到2.4元。
堡獅龍可見0.88元
堡獅龍（592）2011年半年度（12月底止）純利7250萬銀，已經達到10年度純利9045萬銀嘅80%。而下半年度期間，香江嘅零售銷售keep住唔錯增幅，照睇，堡獅龍全年度純利，一樣有睇頭。而集團嚟緊21號，將會派11年度成績表，有得煲佢業績。呢轉短打，博升兩成到0.88元，11年預期PE，不過11倍多少少。
錢雋