英格蘭中場祖高爾（箭嘴示）今季被利物浦踢去法甲里爾，以借將身份效力一季；而喺上周六場法甲，他就大踢爭氣波，以後備身份喺65分鐘處子登場，仲喺完場前4分鐘一個扭幾個，靚交予奧拜尼亞克射入第3球，助球隊作客反勝聖伊天3:1。祖高爾呢日搶盡風頭，但利物浦就沒有好結果，作客輸畀史篤城0:1；回巢嘅比拿美喺67分鐘後備落場，可惜幫唔到利記扭轉敗局，唔知領隊杜格利殊有冇後悔放走祖高爾呢？話時話，呢場都係打後備嘅利記前鋒安祖卡路爾，早前懷疑因同個叫羅比古倫嘅33歲男子3次爭女，搞到自己架價值7萬鎊嘅RangeRover俾人放火燒咗。英國傳媒話由於證據不足，羅比古倫應無罪釋放。睇嚟杜格利殊真係要緊啲卡路爾，否則呢個爛飲爛滾嘅天才球員隨時又出事。