五年前由廣東河源持單程證來港定居的阿詠（假名），翌年生下第二胎，丈夫收入不足養家，家中兩名分別現年8歲及4歲的兒子卻需人照顧，阿詠根本不可能外出打工。去年暑假後，長子升讀小一，她便趁着長子上學期間，帶着當時3歲的細仔出來走水貨。「當時好少人用BB車走貨，因為帶住個細路過關好麻煩，人多空氣差，BB好易病」。阿詠坦言：「邊有媽咪想推住自己仔女去做水客呀，有時攞貨整貨時，睇漏眼好易發生意外。」
冰皮月餅大熱水貨
阿詠說，嬰兒車黨多數由師奶組成，她們上午多在家中做妥家務，安頓好家中老、幼後才抽空出來走一兩轉水貨幫補家計。她說，自己推BB車走水貨亦有風險，就是被捉到會被內地海關「卡」（扣起回鄉卡）四、五小時，不能及時回港接長子放學，又沒人買餸煮飯，「咁就慘嘞」。阿詠說，通常會選一些平價貨品，萬一被捉到亦可向關員求情，關員多數都會同情及放她一馬。
阿詠說：「如果租畀人就唔同，人家多數喺BB車上乜貨都唔擺，只係擺BB，自己就帶個背囊，但背囊就裝三、四十部手機，過一次有成800蚊收，扣除100蚊租金及40蚊車資，都有600幾袋。扣關都係只扣大人，BB可以帶返走，可以話冇乜風險。」
記者在貨場所見，現時熱門水貨除過往的奶粉及紅酒外，冰皮月餅亦是大熱；而高檔化妝品如美源髮采、卸妝油、護膚深海泥、法國礦泉水噴霧及新款電鬚刨亦需求甚殷。《蘋果》記者