衞詩（Jill）與關楚耀分手後戀上中英混血教友Tim，至於關楚耀亦唔執輸，他正與韓籍女友Megan蜜運。前晚關楚耀偕新歡到灣仔行街，其間見他竄到便利店買葡萄適補充體力，莫非他為陪新歡而消耗不少精力？
關楚耀09年與舊愛衞詩在日本涉嫌藏毒被捕後，二人因為備受各方壓力而分手收場。
不過，Jill與關楚耀甩拖後已各自另結新歡，月前Jill公開承認與比她年輕4年的6呎中英混血教友Tim熱戀，而關楚耀6月尾亦被發現拖新歡Megan行街，實行各自各精采。
留鬚着街坊裝
前晚8時許，留了二撇雞及一身街坊裝打扮的關楚耀偕Megan到灣仔拍拖，二人先走到灣仔鵝頸橋一間樓上寵物店揀選寵物用品，Megan在店內拿起各種寵物用品仔細研究，又問身旁的關楚耀意見，但兩人逗留了20分鐘最後也是兩手空空離開。
之後二人到駱克道一帶的寵物店再逛，關楚耀趁女友揀選寵物用品期間，獨自走到附近的便利店購買了一支葡萄適，並即開即飲，莫非他因為陪新歡而消耗不少精力，所以要飲葡萄適補充一下？
買完飲品，關楚耀再折返寵物店跟女友會合，其間Megan興致勃勃的揀個不停，但關楚耀卻似乎興趣不大，只站在一旁。大概10分鐘後，Megan終於揀中合心水的寵物用品，然後自掏荷包付款，再由關楚耀駕駛白色Audi接載離開。
「佢係韓國人」
行駛途中，關楚耀懷疑記者尾隨追訪，在駛到西環時竟突然叫女友下車視察尾隨車輛，Megan發現記者後急急上車。其後記者趁停紅燈時上前拍照，Megan竟怕羞到用手掩面。問關楚耀是否有女友？他說：「係，佢係韓國人嚟。」之後他向記者豎起拇指後便急急開車絕塵而去。
採訪、攝影：楊浩賢、黃曉程、羅德光
