陳靜（DaDa）前晚和鄭融等演員，跟導演錢國偉到銅鑼灣為新戲《喜愛夜蒲》謝票，原先萬寧哥哥沈志明亦會出席，但可能他不想再被問被指呃模一事故臨時甩底。
DaDa以密實打扮到場，她笑言在戲中有多場性感演出夠晒數。近日有傳與DaDa同演出的何佩瑜（Jeana）要求導演多加自己戲份搶DaDa鏡，DaDa聞言說：「我唔信佢係咁嘅人。」DaDa坦言早前出寫真時跟Jeana的確有誤會，但經了解後已冰釋前嫌。
馬仔懶理樂易玲
另外，DaDa昨和馬浚偉到上水出席烹飪活動，她穿低胸裝騷事業線，不時彎身又為馬仔抹汗，認真識做。DaDa表示想整月餅送男友，但今年未有對象，希望明年有機會。而馬仔之前傳和無綫高層樂易玲談續約時不太愉快，現有傳樂易玲離開無綫，馬仔謂：「我係簽畀公司，唔係簽畀一個人，冇乜問題。」
採訪、攝影：胡比、魯萍