近日新聞界風聲鶴唳，唐英年嘅「垃圾論」、一哥曾偉雄「黑影論」、政務官空降港台等事件，都令人感到新聞自由不斷被打壓，有警員甚至明目張膽喺社交網站facebook叫市民喺今日中秋節罷買報紙。警隊霸權來勢洶洶，有熱心人隨即開群組反擊，發起「九一二，買報紙，撐記者」群組，噚日傍晚已經有近2,000人參與，齊齊用行動支持記者保衞新聞自由。
群組有好多市民留言支持，八方都睇到好感動，有網民話「買報紙不是撐任何傳媒機構，是撐採訪自由，新聞自由，言論自由」；亦有市民話：「警察出嘅係政府糧，係公帑，佢哋應做好自己嘅本份，絕不能用警察身份搞小動作！」