星期一同屋企人去銅鑼灣嗰間好出名嘅牛扒屋食自助餐，去之前同幾個同事講開，個個讚不絕口。即開生蠔、長腳蟹、海膽刺身、鵝肝、和牛，全部貴夾唔飽，任食勁抵。我哋訂咗5至7嘅早輪時段，係正價嘅7折多啲，每人埋單唔使3嚿半。個人最欣賞即開生蠔，澳洲、紐西蘭、美國同蘇格蘭4款任揀，每次最多攞4隻，4款要勻又得，指定要邊款都得。
平時去C記超巿，最平都要30幾蚊一隻，食10隻基本上已回本。美國同澳紐平時食得多，反而蘇格蘭就好少試，肥大肉厚唔在講，但係海水味勁濃，啱晒我呢啲鹹蟲。食完生蠔，我推介蘇超些路迪小勝。
文：筋肉人
星期六46
些路迪vs馬瑟韋爾
心水：些路迪和[-1]
心得﹕些路迪有歐霸盃後顧