【旺友】悶悶悶，睇得多日本小說真係悶，轉吓channel，睇睇台灣嘅九把刀；今次我認跟風，知道佢有文本又改編電影，結果買咗本《那些年，我們一起追的女孩》，睇吓呢位仁兄乜頭乜路。
愛情小說，不嬲唔係MCOT，睇咗頭段，認真油麻地！再睇睇，之後竟然得得哋，不過我冇咩呢啲咁熱血、咁年少輕狂嘅年輕歲月，投入感係差少少，不過書入面有啲金句，幾到位；套戲我九成九會睇埋，因為女主角陳妍希堅係正，大過我都仲可以扮中學生，主題曲又好聽，超讚！10月尾上，有排咯！
國米啲波都係悶波，新教頭我唔熟佢，佢帶隊亦唔係耐，我估佢唔會一開波就搶錢咁攻，作客巴勒莫，半場有悶戰feel。
文：守丹
星期日49
巴勒莫vs國際米蘭
心水：巴勒莫[半和]
心得：國米謀定後動