日聯「1哥」大阪飛腳狀態好之餘人腳亦整齊，周六主場鬥大宮松鼠，贏波冇難度，直取[-1]「主勝」。（球賽編號：星期六8；now633及660台今日6:00pm直播）
飛腳於日聯排榜首，但比次席名古屋鯨魚僅多1分，並只領先3、4位的橫濱水手及柏雷素爾3分，如想重奪聯賽錦標，餘下10場聯賽必須步步為營。飛腳於上場關西打吡作客大勝神戶勝利船4:0後，近8場聯賽6勝2和；連同上場的4個入球，飛腳於24場聯賽共轟入61球，攻力強勁。
儘管飛腳有射手阿祖安奴費拉拿及中場宇佐美貴史離隊，但找來的拉芬夏能勝任射手位置，並於8場聯賽入7球；加上中場遠藤保仁、金承龍、前鋒李根鎬及後備殺手平井將生亦有料到，故火力得以維持，要破松鼠大門易如反掌。
松鼠上場憑東慶悟及渡邊大剛建功、贏磐田山葉2:0，結束聯賽5場不勝走勢。但論實力松鼠始終不及飛腳，而且今仗有中場主力上田康太要因坐波監。此外，松鼠於客場聯賽亦靠不住，對上5戰1勝1和3負，當中包括以0:1敗走包尾的福岡黃蜂；今訪飛腳難逃厄運。另外，今仗入球「大細」中位數是3.5球，飛腳火力猛，照捧「大」。
讓球主客和/大細
星期六8大阪飛腳勝[-1]（2.05）
星期六8大阪飛腳大（2.02）