朋友畀咗幾齣港產片嘅贈券我，上個禮拜就去咗睇《戀夏戀夏戀戀下》。成齣戲嘅佈局同《精裝追女仔》真係好似。唔知係咪驚嗰3個男主角孭唔到飛，開頭搵咗周麗淇、鄭伊健同曾志偉等人嚟客串幾個鏡頭。可能係冇乜期望關係，所以睇完之後，又冇想像中咁差，起碼唔使用腦，胡胡鬧鬧咁又消磨咗個半鐘。但講真，如果要我自己畀錢入戲院睇，就一定唔會囉，《竊聽風雲2》都仲可能會。
用個半鐘睇場戲定睇場波開心啲？咁當然要睇戲碼嘞。英超Big5都喺今晚出場，阿仙奴領隊雲格喺轉會窗關閉前一口氣簽5件，包括德國中堅梅迪薩卡，隊波亦畀人好fresh嘅感覺，今晚對「天鵝」史雲斯，點可以唔支持呀？
文：青蛙仔
星期六19
阿仙奴vs史雲斯
心水：阿仙奴勝[-1]
心得：換完血一定有貨交