【霉友】二奶台嘅節目，收視低係預咗，最近仲因為干預新聞自由同埋干擾編輯自主，而令形象插水。二奶台咁做梗係唔抵幫，不過，其實佢哋喺其他節目上都偶有佳作，好似最近嘅《香港有飯開》咁，充滿話題性之餘，又會介紹夠大眾化嘅香港飲食好地方，而最好睇嘅就梗係搵啲主持人嚟「靠飛」，要佢哋真人騷，一連幾日食或者飲仲係冇乜益嘅食物，睇吓對身體有乜影響，都好有教育意義。一向鍾意抄嘢嘅三色台，好可能係不久嘅將來都整番個類似嘅節目。
阿仙奴近況麻麻，雲格嘅「民望」同樣插水，好彩佢終於醒覺，喺轉會窗關閉前大事擴軍，今日迎戰史雲斯，撐佢哋唔止可喺聯賽開齋，仲會開「主勝」㖭！
文：吾中
星期六19
阿仙奴vs史雲斯
心水：阿仙奴勝[-1]
心得：兵工廠煥然一新顯實力