「如果我個女平安，我願意用我對腳換返佢條命！」慈母趙月娟的女兒，911襲擊當天在紐約世貿中心外被窗框擊中昏迷，脊骨、胸骨、鎖骨、左眼眼骨均斷裂。阿娟憶述當晚致電找不到女兒，「心緒不寧，成晚冇瞓」，後來得知女兒尚在人間，經女兒工作的投資銀行安排，由香港飛往紐約，去到醫院時滿地均是花圈、遺照，「我個女個頭脹到十倍咁大，但生還已經係奇蹟」。
救回女兒的兩名救援隊員，每日都探望女兒，阿娟抱着他們痛哭言謝，但二人說「Wesavedeachother」，原來當日救援隊有20人，其餘18人進入世貿中心地牢後，被倒塌的瓦礫砸死，他們兩人因把阿娟女兒送入醫院而逃過一劫。
為女奔波傷及盆骨
女兒住院其間需轉院接受物理治療，但心裏有陰影，「佢好驚係阿蓋德要佢轉院」。阿娟為女兒奔波，傷及盆骨而不自知，翌年元旦日返回香港，阿娟雙腿失去知覺，「但係我唔驚，如果我個女平安，我願意用我對腳換返佢條命！」阿娟現已康復，兩母女沒有再踏足美國，「到家都唔敢睇返啲片段，好驚想像到個女差啲死嘅情況」。阿娟女兒現仍要接受物理治療，昨晚前往紐約參加悼念活動，問及會否害怕重回傷心地，阿娟說︰「佢就係想返番去，釋放番自己。」
《蘋果》記者