古天樂早排整傷腳，搞到連黃百鳴監製套新戲《忠烈楊家將》佢都拍唔到，不過就阻唔到古仔四圍去。古仔前晚仲喺上海幫Joy&Peace行鞋騷，佢拎住枴杖、縛住金屬腳套出場，仲喺台度笑住話：「感激品牌幫我訂做一對軟皮款，可以減輕我的痛楚，讓我腳傷也可以上台過過走騷癮。」同場仲有佘詩曼、內地女星秦嵐等。古仔暫時跛咗隻腳都有人請佢行鞋騷，唔知算唔算趣聞呢。