投入70億元嘅「新世代馬場」工程，包括喺沙田馬場停車場附近興建一幢樓高50米嘅辦公大樓。消息傳出，即時引起附近居民不滿，擔心無敵馬場景觀受阻，冇景睇事少，影響樓價事大，有居民組織更打算聽日馬季開鑼時，堵塞前往馬場嘅火炭通道，美孚中產戶瞓街坐馬路抗議場面，隨時重演。
應家柏噚日話新大樓係通訊及科技中心，位置遠離民居，而且矮過附近住宅大廈，所以應該唔會遮擋景觀，亦唔會有所謂光污染問題。話雖如此，街坊卻對馬會好有意見，有區議員噚日已經去沙田地政處請願，要求政府嗌停工程，又指馬會一直冇諮詢居民意見，擔心日後馬會又會用其他理由，興建更多建築物，要求政府修改馬會批地地契條款，唔可以容許馬會繼續「冇王管」。