鄭秀文（Sammi）和許志安重燃愛火後，獲外界一致祝福。一對情人昨晚同時間各自為名店宣傳，打對台。兩人異口同聲有默契不會情侶檔，重金同台亮相都推job，Sammi坦言「我仲想單飛」，安仔就指講心不講金，皆因自己冇乜金！
鄭秀文和許志安昨晚一個在金鐘一個中環，各自出席活動。Sammi在太古廣場出席「MyStyle」秋冬時裝騷，中性打扮，戴上過萬元頭飾，她說：「大會畀咗30幾套衫我揀，呢頂帽係用三頂帽整成，冥冥中令我唔使咁矮。」她笑言自細在西環行斜路，一日仆兩次，有童年陰影。
「我仲想單飛」
安仔打對台，Sammi表示知情，問到可會索性情侶檔？Sammi說：「暫時唔會考慮。」如果大會安排？她笑住說：「想死呀，唔可以刻意安排囉，我哋同公司，我知難免同場，但前後腳就OK囉。」多多錢都不可以？她繼續sayno：「唔會，我仲想單飛。」
同一時間，男友許志安在中環出席名牌Chopard手錶活動，與AnaR.、LisaS.等名模同場。許志安對女友打對台說：「兩件事嚟，大家都係做嘢，最開心係經理人，同公司賺錢。」有否送過情侶錶給Sammi？安仔說：「冇，大家有大家牌子（代言），驚支持唔到對方，要買冇牌子先得。」
談到婚戒是否可沒牌子，安仔即儍笑說：「朋友、家人、男女朋友都好，最緊要心意啫。」即講心不講金？安仔說：「我冇得講喎，我冇乜金。」
讚女友掘金叻
對於Sammi近期狂做代言狂掘金，安仔說：「佢叻嘛，所以我都要更加努力。」鬥搵多金？他說：「冇得比，大家知道工作最緊要，最近都有人搵我哋同台，都推咗，感覺怪怪哋，除非慈善啦，慈善就冇得計。」他表示對方出重金，但一樣打動不到他們：「大家有默契，唔會咁做。」
採訪：盧妹、胡比
攝影：陳慧安、林德雄