一向感情生活空白、緋聞幾乎接近零的古天樂，聲稱自己太忙冇時間追女仔，不過早前他腳傷足足休息成個月，有否趁機向女護士埋手？古仔無奈說醫生和護士皆是同性，連物理治療師也是男仔，苦無機會。
古天樂、吳彥祖和劉青雲主演的新戲《竊聽風雲2》，自上映以來票房一直很理想，內地票房已達2.1億人民幣，香港票房亦衝破了2千萬大關。電影公司前晚在尖沙嘴舉行祝捷會，幾位主角及在戲內相當搶鏡的演員如曾江、江毅和駱應鈞等，以及監製爾冬陞和導演莊文強、麥兆輝齊齊現身，青雲則因要到威尼斯出席影展而缺席。
暫不拍動作片
之前弄傷腳的古仔前晚依然撐着柺杖，他雖未完全康復，但近日已經復工，他日內將到成都工作，接着又會轉飛新加坡，並將開工拍賀歲片《八星抱喜》，但他說短期內都不會接拍動作片，怕影響傷勢。
復工之餘，古仔仍要接受兩至三星期的物理治療。古仔一直稱沒有時間識女仔，令自己的感情生活一直空白，既然之前因腳傷休息一個月，問古仔會否有時間追女仔，向護士或醫生埋手？古仔沒好氣說：「冇呀，主要都係休息，護士同醫生都係男仔，連物理治療師都係呀。」他說經過物理治療師多次指導後，自己亦可在家做物理治療。
賣樓賺二千萬
問古仔受傷是否損失很多收入？他說其實沒推掉太多工作，大部份只是延期。古仔謂自己是膝頭半月板和韌帶撕裂，右手三角韌帶亦撕裂，認真慘情。
另外，提到古仔日前以8,600萬售出何文田京士柏山豪宅，賺近2千萬，他說：「價錢OK咪賣囉，暫時都未有投資計劃，我買樓都係以自住為主。」
採訪：王連連
攝影：陳慧安
