開心飛起：環球影城嘩鬼巡遊　我至係主角！

盂蘭節剛過，唔通鬼門關未關好？不然為甚麼嘩鬼Snoppy、HelloKitty同Elmo同成班朋友會在日本環球影城跳來跳去，仲有猛鬼餐等你食落肚，然後乖乖去掃紀念品，唔係有鬼，咁係咩？

記者/攝影：李鑒泉
鳴謝：日本環球影城

嘩鬼巡遊chok住跳

去得日本環球影城必睇招牌巡遊。今年適逢影城10周年誌慶，所以萬聖節巡遊ParadedeCarnival就更有看頭，未到4時紐約園區街道兩旁已逼爆遊客等睇show！打頭陣係穿蛋糕裙的HelloKitty在七彩面具花車上起舞。如果唔係對面班女粉絲尖叫，小記仲以為自己去了面具party！巡遊自然走唔甩以宮廷小丑Snoopy、皇上CharlieBrown及皇后Lucy的MardiGras，啱晒花生迷。而跳拉丁舞的Elmo你又見過未？如果閣下扮到成隻「鬼」入場，仲有機會上花車同成百人一齊跳舞，呢次仲唔chok爆！

■連HelloKitty都要出來扮鬼扮馬，真係好似去了面具舞會。

■全場氣氛勁High！

■和卡通人物近距離接觸，笑容當然燦爛。

■芝麻街一眾角色已換上萬聖節服飾。

ParadedeCarnival

日期：9月6日至11月3日
地點：荷李活~紐約園區
表演時間：約下午4時

Surprise！空中漫步

叫得「UniversalSurpriseHalloween」，究竟Surprise在哪？無論大人還是小朋友都有專人幫你坐定畫鬼臉，由蝙蝠到半塊臉大的怪面造型任君選擇！全場工作人員和部份卡通人物更已率先換裝，戴着南瓜帽與你合照，每條人龍都有數十人排隊。除10周年紀念滙演及不同園區的驚喜表演外，到處都有由名藝術家炮製的10項《HappySurprise》TrickArt，即是扮晒立體空間讓你影嚇人相的繪畫。當中的ElmoandSnoopySwirlIllusion，對住幾何圖案十幾秒，回望對面TrickArt中的雲團變得載浮載沉，回頭還有凌空階梯等，搞笑十足。

■TrickArt巧妙利用視覺效果營造立體空間，難怪個個爭住影相。

■沿街彩繪攤位，大到半邊面都畫得。

■假樓梯，個個心甘情願撞牆影相。

限定魔女之甜品

真佩服日本人做事做得這樣徹底，新推出的萬聖節menu賣相極吸引，如BeverlyhillsBoulangerie有一式三件的魔女甜品，可試勻芝士蛋糕、糯米糍及朱古力mosse，通常幾個女仔一齊share食。南瓜亦登上舞台，園內餐廳提供的南瓜套餐連沙律及星形麪包，好玩又好食。而今年3月才開業的Happiness，原本我們還以為是cafe，豈料推開門後竟發現它主打咖喱，有辣有唔辣，而且室內五彩繽紛，唔只小朋友，連我們亦食得特別愉快。但10周年後cafe就會停業，想食就趁早。唔夠的話去園外的「阿甘正傳」餐廳BubbaGump試埋南瓜燜蝦、甜到痹南瓜批，今次返香港要減肥啦！

■HappinessCafe只會營業至明年3月，想食趁早。

■一式三款魔女蛋糕，約$146。

■Jenny’sGhoulishGoblet雞尾酒特飲，約$110。

■糯米糍口感一流，約$49。

■巫師Snoopy公仔約$283。

■StudioStarsRestaurant南瓜焗雞套餐約$152

BubbaGump

地址：此花區島屋6-2-61UniversalCityWalkOsaka5F
電話：（81）06-48043880

必搶萬聖節紀念品

晚間巡遊後，就到Characters4U-CollaborationShop及10thAnniversarySouvenir兩間紀念品店逼爆人。店裏萬聖節與10周年的紀念品多達數百款，如戴巫師帽的Snoopy及Elmo公仔、魔女HelloKitty電話繩、甚至連底褲也有，但一條盛惠$192，貴。10周年系列主攻HelloKitty、儍豹及Elmo的crossover產品，如披着儍豹皮的HelloKitty公仔，iPhone殼、月曆、紙巾盒、朱古力及餅乾等有排掃。