何超儀、徐天佑和趙碩之等前晚到尖沙嘴出席電影《世紀戰疫》首映禮，有傳《世》片被內地封殺，超儀和天佑否認其事，超儀說：「唔覺得係咁，交畀電影公司處理，梗係想內地上，嚟緊9月8日喺紐約有首映，但我去唔到，好可惜。」
對於賭王父親何鴻燊是否得知她拍荷李活片時，超儀笑說：「又關Daddy事，唔記得有冇同佢講。」記者指她可以邀請賭王入戲院睇，超儀笑指要抬父親到場。
趙碩之羨慕師妹
趙碩之前晚以熱褲撐場，對於Jeana表示可與同性發展戀情時，趙碩之說：「我都俾人傳三年，家到佢傳，咪搞我，再傳驚搵唔到。」同門師妹尹蓁晞（Yumi）被爆已懷孕8個月，趙碩之表示與Yumi有聯絡，現時她在台灣，並深得男友疼錫，戥她高興。
採訪、攝影：溫敏芝