「MK仔」同老婆「喪妹」呢一對，喪妹出咗名失控，一般人都唔會頂得佢順。好似MK仔經常去外地做嘢，一出埠就閒閒哋一頭半個月，返香港唔夠一兩日又要飛，真係忙到甩轆，加上佢做嘢認真又搏命，體力同精神嘅支出都好大。不過喪妹就完全唔理，次次一見MK仔返屋企，就即刻啜住老公閨房樂，有時MK仔諗住約啲朋友見吓面，喪妹知道後又即刻使出膠水功，箝住老公入房唔畀出街，久而久之搞到MK仔變咗宅男，最大鑊係佢估唔到留喺屋企仲攰過出去拍戲，所以後期佢已經演變到一入屋就九秒九鎖住自己喺房，寧願做獨孤精都好過變人乾。
撰文：關仁