藍奕邦當年孭住創作歌手身份，定下框框給自己不做任何形象改造，堅持自我換來被公司冷待，指他並非流行歌手。經歷挫折，藍奕邦感激當年沒有被萬千寵愛過，才令今天的他凡事獨立親力親為，倍添安全感。
藍奕邦推出新專輯前，經形象設計師塑造全新形象，近日他讓大家眼前一亮，突破以往外形踏實的框框。阿邦坦言籌備新專輯時，已不想再做以往的音樂類型，在幕後寫歌10年及幕前的7年工作，令他失去一點衝擊，心想以往的藍奕邦式音樂經已夠了。
偶像歌手非所願
新派台歌《晚晚禮拜六》便是轉型的頭炮歌，換來的反應竟是前所未有的好，藍奕邦說：「好多行內人都sms同打電話畀我話正，連唔熟嘅人都會留言，我真係好開心，覺得今次係做得啱，令我更有動力繼續做。」
回憶初出道，藍奕邦從沒想過走到幕前，當年只是跟舊公司簽版權約，他說：「當時諗住只係交畀Sony發行，我唔會上電視宣傳，唔見報太多，點知最後變成唱片部歌手，上電視仲要做偶像歌手，跟我原意有好大出入。」
由於阿邦走創作路線，公司沒有給他任何資源，化妝、整頭、交通全沒提供，連頒獎禮離場也是自己坐車走，他說：「當時有人同我講因為我唔係流行歌手。」經歷過辛酸冷暖後，阿邦感激自己從未試過萬千寵愛，好讓他今天能夠獨立，增添自身安全感。
「多咗一份自知」
至於形象上的轉變，阿邦非常受落：「以前定個框框畀自己，我係創作歌手，搞咁多花巧嘢會好唔型冇性格，隨住自己成熟咗，今日多咗一份自知，知道自己唔會再作無謂執着，呢兩三年喺工作上係帶畀我好多快感。」
採訪：馬建華
攝影：葉君海