性感女星黃榕今夏推出處女寫真，人氣反彈，近日獲澳洲悉尼一間夜店邀請到當地表演捽碟，她因利乘便四出遊覽。
不捨食袋鼠
黃榕表示從未到過悉尼，但這次四日三夜之旅，大會只需她工作一晚，其餘時間則安排她吃喝玩樂，她日前接受電話訪問說：「好開心，呢次酬金好滿意，有成5位數字，唔使開工又有專人陪我去觀光，消費又唔使自己出，酬金幾乎落晒袋。」
問到黃榕最喜歡哪個旅遊點，她說：「我鍾意去動物園，可以近距離接觸小動物，不過美中不足係去到嘅時候，樹熊瞓晏覺，冇得抱佢哋影相，我只同袋鼠玩咗一陣，佢哋好友善。」工作人員本安排黃榕一嚐袋鼠肉滋味，但她說：「我啱啱先同佢哋玩完，真係唔捨得食佢哋。」
採訪：比華利