一張發燒碟做到永垂不朽，長賣長有已經唔容易，如果係現場錄音而又能被公認為天碟級數的，更是寥寥可數，做到發燒界有朵的更屬絕無僅有。這張碟綽號《鬥牛場》，係民歌天后JoanBaez於1988年在西班牙灌錄的一張現場錄音，由於靚聲到得人驚，CD一出便紅足二十幾年，部份版本更曾被炒貴了六、七倍，唔識佢嘅發燒友真係好打有限。如今日本直送的HQCD面世，大家毋須再益炒家，因為過往無一個CD版本的音效靚過HQCD。碟中有一半係英文歌，另一半則以西班牙語演繹，JoanBaez唱功有多厲害、多震撼人心，可在碟中找出答案。最後一首萬人大合唱《NoNosMoveran》，除咗係經典所在，更係發燒友試音必播一段，夜晚熄燈去聽，間屋好似大咗幾百呎咁。
文：李廸偉