張致恒（Steven）、詩雅、陳柏宇和鍾景輝等前晚到理工大學出席「慌失失劇團」的首映禮酒會，除了英皇送花籃賀Steven開騷，其前度緋聞女友何超雲亦有送上花籃。
「恭喜佢甩難」
Steven承認之前有邀請超雲來捧場，他說：「之前有打畀佢嚟睇，但佢好忙，我叫佢唔嚟都要送花，人唔到禮都要到。大家都好忙，最近冇見面，我亦恭喜佢甩難，唔使避開我，同一眾緋聞者，大家亦唔需要再誤會。」
此外，陳柏宇在《喜愛夜蒲》中與Jeana有情慾戲，二人更有身體接觸，他坦言不少朋友好奇Jeana身材，他說：「啲朋友問我覺得上圍點，但我拍時要顧及現場其他嘢，冇諗其他，只係想渣渣淋拍完就算。」
採訪、攝影：黃曉妍