浸大咪神Carol師妹、今年只有20歲的張雅文（Kathy）入行6年，當年入行原來受了「模art」文詠珊（JaniceMan）影響，Kathy笑說：「嗰陣我同啲同學喺網上睇到JaniceMan啲相，覺得佢好靚又好羨慕佢，跟住我哋咪膽粗粗sendemail自薦入家間公司。
「入咗公司之後，我都有見過JM，佢同我想像中一樣咁靚，所以我當佢係我嘅目標。等我讀完書之後，會努力學做戲同唱歌，希望將來可以好似佢一樣。」
「擺啲好色情嘅甫士」
雖然Kathy當年有膽量自薦入行，不過始終年紀小入世未深，難免碰釘，她說：「未入公司之前，我有做過私影，有個攝影師合作過幾次，本來相安無事，點知到第三次合作，佢帶咗啲好性感嘅泳衣畀我着，跟住仲叫我擺啲好色情嘅甫士，我儍更更跟住照影，不過好後悔同好驚，好彩佢冇擺啲性感相上網，可能佢都知道係犯法，所以如果有女仔想做模特兒，應該用正當嘅途徑，同埋搵間可信嘅公司。」
採訪：何慧斯 攝影：林德雄
Profile
張雅文 Kathy
年齡：20歲
三圍：32B、23、34
簡介：14歲入行做模特兒，先後演出不少廣告和MV，包括鄭融的《健康教育》和傅穎《時間囊》MV。
資料來源：《蘋果》資料室